Informazioa
Izapide honen bidez udalerriko biztanleen erroldan dauden datu pertsonalen aldaketa eska daiteke.
Errolda udalerriko bizilagun guztien bizilekua eta helbidea helburu administratibo guztietarako ziurtatzen dituen erregistroa da. Estatuan bizi den pertsona orok ohiko bizilekua duen udalerriko erroldan inskribatu behar du bere burua. Norberak eskubidea du Erroldan agertzen diren berari buruzko datuak jakiteko eta, datuak oker daudenean, horien zuzenketa eskatzeko. Herritarraren datu orokorren edo bizilekuaren aldaketa egiteko, egoera berria beharrezkoak diren dokumentuekin frogatuko da. Aldaketak gauzatu ondoren dagokion ziurtagiria egiten da.
Eskaera egiteko baldintzak honako hauek dira:
- 16 urtetik gora izatea (gazteagoa izatekotan eta ez emantzipatua, bere legezko ordezkariak egin ahal izango du).
- Urteko egun gehienetan udalerrian bizitzea.
- Udalerrian erroldatuta egotea.
Dokumentazioa
Izapide honen hirugarren pausuan honako dokumentazioa erantsi behar da:
- Nortasun-agiria
- Etxebizitzaren dokumentuak
- Besteak
- Errolda-eskaera
Oharrak
Izapide hau hainbat kanalen bidez egin daiteke.
www.ajangiz.net webgunean bitarteko telematikoak erabiliz bidera dezakezu.
Mendieta Auzoa z/g, 48320 Ajangiz kokatutako udal bulegoetan ere bidera dezakezu. Bertan dagokion inprimakia bete eta «Dokumentazioa» fitxan eskatzen den dokumentuak aurkeztu beharko dira.
Zalantzarik badaukazu edo informazio gehiago eskuratu nahi baduzu, deitu Ajangizko Udaleko telefono honetara: 94 625 19 13 .
Bideratze elektronikoko sistemari buruzko zalantzarik izatekotan, deitu 900 840 250 doako telefono zenbakira BiscayTIKeko Herritarrentzako Arreta Zentroarekin harremanetan jartzeko.