Informazioa
Izapide honen bidez interesdunek etxeko laguntza eskatuko dute.
Zerbitzu hau eguneroko jarduerak egiterakoan bakarrik baliatzeko zailtasunak dituzten familia edota pertsonei zuzenduta dago (mugapen fisikoak, psikikoak edo sentsorialak direla eta, Autonomia Pertsonala Sustatzeari eta Mendetasun Egoeran dauden Pertsonak Zaintzeari buruzko abenduaren 14ko 39/2006 Legeak (Mendekotasun Legea) aurreikusten dituen mailetako batean mendekotasuneko balorazioa jaso izan dituzten familiak edota pertsonak).
Zerbitzuaren xedea bere bizi kalitatea hobetzea da, banakako prebentziozko, heziketa, sorospen edota birgaipen programa baten bidez, pertsonak bere etxebizitzetan jarraitzen lagunduz, batez ere, etxerako laguntza eta zaintza pertsonala funtzioetan arreta jarriz:
- Etxea zaintzeko eta mantentzeko lanak (etxekoak): etxeko lanak, arropa garbitu eta zaindu, janaria prestatu, e.a.
- Pertsonak zaintzeko lanak: gorputz-garbitasuna eta janzkera, elikaduraren eta botiken kontrola, e.a.
Eskari horrek sortuko duen espedientea Gizarte Ekintza Sailera igorriko da teknikoek interesdunaren egoerari buruzko iritzia eman dezaten.
Dokumentazioa
Izapide honen hirugarren pausuan honako dokumentazioa erantsi behar da:
- Erroldatze-ziurtagiria
- Nortasun-agiria
- Besteak
- Egotekotan interesdunaren ezgaitasuna frogatzen duen dokumentua
- Menpekotasun mailaren erabakia
- Osasun txostena
- Diru sarreren frogagiria
Oharrak
Izapide hau hainbat kanalen bidez egin daiteke.
www.ajangiz.net webgunean bitarteko telematikoak erabiliz bidera dezakezu.
Mendieta Auzoa zg, 48320 Ajangizen kokatutako udal bulegoetan ere bidera dezakezu. Bertan dagokion inprimakia bete eta «Dokumentazioa» fitxan eskatzen den dokumentuak aurkeztu beharko dira.
Zalantzarik badaukazu edo informazio gehiago eskuratu nahi baduzu, deitu Ajangiz Udaleko telefono honetara: 94 625 19 13.
Bideratze elektronikoko sistemari buruzko zalantzarik izatekotan, deitu 900 840 250 doako telefono zenbakira BiscayTIKeko Herritarrentzako Arreta Zentroarekin harremanetan jartzeko.